15 - 纏

空間。

最重要的是空間。

人與人之間的關係，空間的拿捏是個關鍵。


知道與否，你和他之間的空間，是有數得計的。


聊天、逛街、吃飯、瞓覺 (別心邪。Sleeping Buddy是那些很適合一起睡覺的人。純睡覺。他的呼吸節奏、心跳聲，很貼近母親的，因而睡在他身旁很自在。又不會搶被，可以適量地攬攬交換體溫。Sleeping Buddy乃可遇不可求。) 、旅行、試餐廳 (嗱，食飯同試新餐廳又唔一樣，就正如可否同甘時，又可否同苦。)、去博物館、去戲院、睇話劇、睇歌劇......


錯的人架硬一起做什麼，被錯的人強姦那個不能容納他的空間。

那些什麼都要一起做的，會變成纏。空間的死纏爛打，空間的纏到你無「訂」透氣。

不。有些人你是很願意和他的空間重疊，互相體驗雙方的生活。而且是舒服的交往。

一個范疇的重疊成功，下次有類似的活動，自自然第一個call佢。

多個范疇呢？哇！執到！


識到一個「多功能」的朋友，真是可遇不可求。

有些朋友，就是如此熱愛活著的感覺。總之有d乜都可以嗌埋佢。

嗌埋佢，佢出現，其實真係好閒。

但係無論乜活動，都會投入其中。就算真係唔太鍾意，佢會 "what an experience!!!"，唔會一半就見佢坐立難安，又或者瞓著。又唔會俾埋晒d令你難受的comment，好似點咗佢去死咁。

There's something to learn from every second of your life.

就算你覺得大戲得個嘈字，至少你睇過先話：「been there, done that, and oh, don't think i like it yet」


對！他們會 "YET" 的。過一陣，又會再去，just to see if I've changed, or maybe I missed something.


這種水綿friend，識落一個，世界立即變得精彩！