29 - 六千蚊

十八歲以上、有身份證的就有六千蚊袋，就從沒想過終於竟然有一項政府的政策會直接影響到自己。


六千蚊是什麼？

對，這是個很認真的問題。六千蚊是什麼。


六千蚊是六張金牛，輕飄飄；

六千蚊是六十張紅杉魚，厚疊疊六十張；

六千蚊大概是四百七十英磅；

六千蚊大概是七百七十美元；

六千蚊大概是五百五十五歐羅；

六千蚊大概是七百五十加紙 (是這個紙吧...... 寫出來很搞笑)；

六千蚊大概是七百六十澳幣；

六千蚊大概是六萬三YEN。


以上的數字對你有意義嗎？


形象化點吧。

六千蚊係接近一百九十杯Starbucks；

六千蚊係二千四個麥記軟雪糕；

六千蚊係三百六十幾盒四包裝粒粒草莓Pocky；

六千蚊係一千二百份報紙；

六千蚊係三百七十五程唔跳錶嘅紅的。



六千蚊係接近一百個日賺最低工資的美國人的一天生計；

六千蚊可以係宣明會助養廿七個小童；

六千蚊可以在SPCA助養六十隻小動物。


好啦。咁六千蚊對你而言又是什麼呢？


無人話你唔值得得到這六千蚊。

你話你交咗咁多年稅終於有d cash落返自己袋。

無問題。六千蚊對個個的意義不一樣。

不過如果你望住自己的6字加3個0唔知點用嘅話，或許想想社會的資源分配的問題。


既然政府只能劃一性地個個俾六千蚊，你又有份對住個電視、收音機暗罵、大鬧一句：「踢一踢先識「郁」，唔話上街都無嚟表示」的話，那麼你又會否想做多一點呢？

資源分配不均，富的愈富、貧的愈貧。政府只能做到每人六千蚊。你可否做得比它好呢？

政府分配唔到，我哋自己嚟。