24 - 水泡

多樣性格者，易當水泡。

是自自動動入到那個位。


專業水泡，難分清自己是友還是水泡。


又或者會不斷懷疑在突然熟絡的朋友的眼中，自己的真實身份是否水泡。


專業水泡真係專業，乜人都可以sub一番。


就算唔係水泡，識耐咗，會被發現自己非完全自己。

即是話，佢因為你某一個樣吸引變朋友，又或者佢同你做朋友係因為你某一個樣。

但要經得起時間嘅考驗，要佢睇過你唔同樣時都接受，難上加難。


專業水泡唔少朋友。

但就只有水泡本人知道，又或者估到，其實邊個先至係朋友。

專業水泡睇落好多朋友，但佢自己就會覺得得嗰幾個。


不過亦有專要專業水泡的朋友，貪水泡仔好使好用又方便。要乜有乜，無乜有乜，一個頂十個。


而且專業水泡好似識睇穿你個心，最赤裸的自己就只有他們看得出，還會接受所有人。

因為他們看得出，因為他們知道，有些什麼，都其實是個人而已。


兩個專業水泡碰頭，是物以類聚，還是同性相拒呢？